Германската фарамцевтска компанија Bayer ќе ја произведува вакцината против COVID-19 на германската компанија CureVac. Вакцината е во завршна фаза на тестирање, а издавање на дозвола за употреба се очекува во следните неколку месеци.
– Во нашиот погон во Вупертал би требало да почне производстворо на вакцината на компанијата CureVac. Испораката на првите дози се очекува да биде до крајот на годината, изјави членот на Управата на Bayer, Штефан Олрих.
Директорот на CureVac, Франц-Вернер Хас, изјави дека неговата компанија, преку мрежа на производители обезбеди производство на околу 300 милиони дози до крајот на годината. Додека во Bayer ќе бидат произведени околу 160 милиони.
Германскиот министер за здравство, Јенс Шпан, ја поздрави најавата за соработка помеѓу CureVac и Bayer и најави договор за откуп на таа вакцина.
Додека германската канцеларка Ангела Меркел и премиерите на германските сојузни покраини разговараа со претставниците на производители на вакцини со цел да се отстранат бариерите што се појавија на почетокот од процесот на имунизација на населението. Во моментот најголем проблем претставува испораката на помало количество вакцини од нарачаните.
Bayer на најновииот производител на лекови кој најави дека ќе се вклучи во производството со цел да се надмине недостигот на вакцини против COVID-19, откако минатата недела фармацевтските компании Novartis (Швајцарија) и Sanofi (Франција) најавија помош за Pfizer во производството на вакцини.