Испробајте го овој вкусен и едноставен оброк од ориз и месо во рерна. Овој пилав, или ризото, со јунешко месо се крчка во еден сад, нема потреба претходно да го варите оризот, а сепак ќе биде сочен бидејќи ќе го впие сокот од месото. Ручек подготвен за час, а полн протеини.
Потребни состојки:
- 300 гр јунешко месо
- маст или масло
- 1 кромид
- 2 моркова
- 250 гр ориз
- 500 мл топла вода
- сол
- бибер
- 6 чешниња лук
Подготовка:
Месото исечете го на коцки и испржете го во тава. Извадете го во чинија. Исечкајте ги морковот и кромидот и пропржете ги во истата тава. На дното на огноотпорен сад ставете го месото, зачинете го, потоа додадете го зеленчукот и на крај оризот. Сè покријте со вода. Исчистените чешниња лук притиснете ги во оризот. Печете 15 минути на 200°C, а потоа промешајте и печете на 200°C уште 10 минути.