Полнети пиперки со два вида сирење, идеален лесен ручек во текот на топлите денови.
Потребни состојки:
-500 г кравјо сирење
-100 г горгонзола
-4 црвени пиперки
-1 јајце
-1 лажица зачин
-2 лажици маслинов масло
-сол
Начин на подготовка:
Ставете ги пиперките да повријат и омекнат 5 минути во благо посолена вода, па потоа оладете ги со студена вода. Пресечете ги по должина и исчистете ги од семки.
Со миксер добро измешајте го кравјото сирење со јајцето, горгонзолата исечена на коцки и сувиот зачин.
Распоредете го сирењето во половина од пиперката и ставете ја во намрсен огноотпорен сад. Печете во загреана печка на 200 степени околу 20 минути.
Може да ги комбинирате полнетите пиперки со вашата омилена салата.
