Најдобриот голгетер во Серија А даде свое видување за лошата форма на Лацио која резултираше со пораз од слабиот Лече.
„Локдаунот нѐ казни многу, повеќе не сме оние истите од претходно, од ментална гледна точка. Не е алиби, тоа е факт. Нашата цел пред почетокот на сезоната беше место во Лигата на шампионите и според тоа можеме да бидеме мирни, но мора да ја завршиме сезоната најдобро што можеме за да не испадне јалов сиот труд кој досега сме го вложиле“, вели Имобиле во интервју за Lazio Style Radio.
Во вторникот Лацио изненадувачки претрпе пораз на гостувањето кај Лече, тим кој грчевите се бори за опстанок и кој ја оствари само седмата победа сезонава. Ларио планираше 3 бода, а се врати дома со празни раце.
„Тој натпревар за Лече беше многу важен. Нема што многу да жалиме, смирени сме, нервозата не е добра. Кога бркате резултат, губите енергија. Ќе се одмориме и ќе мислиме на наредниот натпревар. Габриел направи три одлични одбрани. Тие едноставно имаа поголема глад за победа од нас“, вели голгетерот.
Чиро Имобиле и натаму води на листата на стрелци во Серија А со 29 голови, три повеќе од Кристијано Роналдо и 9 пред третопласираниот Ромелу Лукаку. Во петте натпревари по паузата, Чиро постигна 2 гола, а еден натпревар пропушти поради суспензија.
„Тимот игра за мене, постојат лични цели кој не смеат да ме направат анксиозен. Не сум истиот од претходно, овој Чиро не е тој вистинскиот. Морам да дадам повеќе“.
Ако веќе Лацио ја загуби битката за Скудетото, барем Имобиле да ја освои онаа за најдобар стрелец.
