Риши Сунак ќе биде новиот британски премиер откако неговата противкандидатка Пени Мурдан ја повлече својата кандидатура.
Риши Сунак направи спектакуларен политички камбек за да стане следниот премиер на Обединетото Кралство на Велика Британија и Северна Ирска, откако ривалката Пени Мордоунт се откажа од трката, пренесе DPA.
Поранешниот британски министер за финансии денеска ја доби поддршката од конзервативните пратеници за да ја наследи Лиз Трас како лидер на ториевците и ќе влезе во Даунинг стрит помалку од два месеца откако ја загуби последната трка.
Сунак ќе биде првиот хинду премиер на Обединетото Кралство, првиот со азиско потекло, прв кој не е припадник на белата раса и најмладиот по повеќе од 200 години, на 42-годишна возраст.
Мордоунт се повлече од трката бидејќи не успеа да ги добие 100-те номинации од ториевските пратеници, потребни до крајниот рок во 14 часот.
Со оглед на тоа што Борис Џонсон самиот се повлече, Сунак ќе стане премиер без противници и ќе избегне онлајн гласање на конзервативните членови кои минатиот месец го одбија во полза на Лиз Трас.
– Во изминатите неколку дена, за жал, дојдов до заклучок дека едноставно не би било правилно. Не можете ефективно да владеете ако немате обединета партија во Парламентот, рече Џонсон.
Тој сега има тешка задача да ја води нацијата низ економска криза што само се влоши со хаотичното наследство на Трус, која беше сменета по само шест недели на функцијата, пренесува DPA.
Во изјавата објавена на интернет две минути пред крајниот рок, Мордоунт рече дека нејзиниот противник сега ја има нејзината „целосна поддршка“.