Иранскиот директор за атомска енергија вели дека земјата е подготвена да ја прекине својата програма за производство на збогатен ураниум, но само доколку САД се вратат назад на нуклеарниот договор од 2015 година. Згора на тоа, открива дека Иран сега дневно произведува по половина килограм од оваа опасна хемикалија.
Водечкиот човек на Иранската организација за атомска енергија, Али Акбар Салехи, денеска објави дека нуклеарните реактори произведуваат 20 грама од 20% збогатен ураниум, секој час.
„Согланон последните податоци кои ги имам, иранските научници произведуваат 20 грама (од 20% збогатен ураниум) секој час. Тоа значи, практично, ние произведуваме половина килограм секој ден“, рече Салехи во интервју за иранската веб-страница Khamenei.
Салехи нагласи дека иранските нуклеарни централи се способни да ја зголемат збогатеноста за 20 проценти за само 24 часа откако парламентот ќе го дозволи тоа,.
„Го произведуваме и го складираме овој 20-процентен, а ако тие се волни да се вратат на нуклеарниот договор, ние ќе го вратиме назад производството“, вели тој.
Сегашната програма на Иран за 20-процентна збогатеност е повисока од онаа од 3,67% кои беа договорени со нуклераниот договор од 2015 година. Сепак, и тоа е многу далеку од 90-процентниот ураниум кој се смета за нуклеарно оружје.
Доналд Трамп го повлече САД од договорот во 2018 и му стави санкции на Иран.
