На барање на фановите тимот на Screen Junkies направи искрен трејлер за продолжението на популарниот филм од 1986 година.
Дури 36 години после првиот дел, „Top Gun“ доби продолжение. И тоа со главните глумци од 1986 година бидејќи Том Крус и Вал Килмер ги репризираат улогите. Се појавуваат и Мајлс Телер, Џенифер Конели, Џон Хам, Глен Пауел, Луис Пулман и Ед Харис.
Paramount Pictures го најави продолжението уште во 2010 година, но помина доста време додека го реализира. Режијата е на Џозеф Косински (на првиот дел беше покојниот Тони Скот), а на сценариото работеше триото Ерен Кругер, Ерик Ворен Сингер и Кристофер МекКуари. Продуцент е Џери Брукхајмер, кој истата улога ја имаше и во 1986 година.
„Maverick“ премиерно беше прикажан на CinemaCon на 28 април, а низ кината во САД почна да се прикажува од 27 мај. Филмските критичари му дадоа позитивни критики, а многумина го оценија како подобар од првиот дел. Оствари приход од над 1,4 милијарди американски долари и засега е најпрофитабилен за оваа 2022 година.
