Многу луѓе консумираат јогурт затоа што се свесни за неговите придобивки, од калциум, пробиотици и висок протеин до едноставно кога ви треба нешто здраво за брзо да ве засити.
Една од постојаните грижи за млечниот јогурт е дека, како и некои други млечни производи, се смета дека предизвикува воспаление во телото, што може да доведе до некои инфекции, болести и нарушувања.
Сега една студија покажа дека пробиотиците во производите од јогурт всушност можат да го намалат воспалението и да го зајакнат имунолошкиот систем.
За луѓето што сметаат дека јогуртот е здрава, сигурна храна, сега има возбудлива вест. Имено, двајца истражувачи кои спровеле универзитетска студија откриле дека молекулите од пробиотиците во кефирот (течен пијалак кој е многу сличен на јогуртот) значително го намалуваат нивото на зараза со агенсот кој предизвикува колера.
Во една дополнителна студија, научниците откриле дека истите молекули, исто така, дејствуваат како антиинфламаторна сила против некои модели на вирусни заболувања.
„Нашето истражување за прв пат фрла светлина на механизмот со кој пробиотиците ферментирани со млеко можат да заштитат од патогени инфекции и да му помогнат на имунолошкиот систем“, рече професорот Раз Јелинек, потпретседател за истражување и развој на Универзитетот „Бен Гурион“ во Негев.
Ова најверојатно ќе доведе до нови истражувања за поголемо разбирање, но, во меѓувреме, наодите од оваа студија би можеле да бидат уште една причина за консумирање јогурт.
