Италија заплени јахта вредна 530 милиони евра, во сопственост на рускиот олигарх Андреј Игоревич Мелниченко.
Запленета е на 11 март во Трст, станува збор за една од наголемите јахти од овој вид во светот. Мелниченко е еден од олигарсите санкционирани од Западот поради руската агресија на Украина.
Според наводите на Европската Унија, тој спаѓа во кругот на највлијателните богати Руси. Се тврди дека значајно придонесувал за осигурување на клучни ресурси за режимот во Русија.
Во Брисел уверуваат дека Мелниченко е близок до самиот Владимир Путин и дека го поддржува дејствувањето со кое е нарушен територијалниот интегритет, суверенитет и независност на Украина, пренесе Guardian.
