Никола Јокиќ повторно забележа трипл-дабл, а неговите Денвер Нагетс се први во Западната конференција на НБА.
Никола Јокиќ е импресивен на теренот дури и кога не постигнува поени.
Нагетс ги победија Мемфис со 105:91 и сега се израмнети на првото место со Мемфис со скор 19:11.
Српскиот центар успеа да забележи необична статистика за него - 13 поени, 13 асистенции и 13 скока! Беше импресивен на теренот, но главната улога им ја препушти на другите, па Ерон Гордон беше најефикасен во победничкиот тим со 24 поени, 7 скока и 4 асистенции.
Одлични беа и двајцата Браун, Брус и Крис со 16 и 13 поени, а Влатко Чанчар мечот го заврши со 3 поени, 7 скока и 2 асистенции. Кај поразениот тим, Џа Морант постигна 35 поени со 10 асистенции, додека сите останати беа многу, многу послаби.
Чикаго Булс го совлада Мајами Хит со 113:103, а на тој натпревар се истакна црногорскиот центар Никола Вучевиќ. Тој постигна 29 поени со 12 скока во страшниот дуел меѓу центарци со Бема Адебајо, кој пак имаше 27 поени, 12 скока и 7 асистенции. Демар Дерузан додаде 24 кај Чикаго, Зек Лавин 21, а Никола Јовиќ беше на теренот 80 секунди во таборот на Мајами и немаше забележителен ефект.
Во победата на Вашингтон над Феникс од 113:110, Дени Авдија имаше 16 поени и 10 скока и забележа нов дабл-дабл.