Денвер Нагетс ноќеска во Торонто ги победи Репторс со 113:104, а се чини дека новите патики му донесоа среќа на српскиот центар Никола Јокиќ.
Имено, кошаркарот на Денвер со дабл-дабл учинок го предводеше својот тим до петтата победа во последните шест натпревари, а синоќа за прв пат заигра во копачки на кинескиот бренд 361 Deegres и со тоа стана нивно водечко светско лице. Претходно Јокиќ беше член на семејството Nike, пред да потпише повеќегодишен договор со Кинезите.
Јокиќ го заврши натпреварот со дабл-дабл од 31 поен, 15 скока и 6 асистенции и на крајот успеа да забележи 30+ поени против Торонто. Да потсетиме дека Репторс беа единствениот тим во НБА против кој Јокиќ никогаш немаше постигнато 30 поени.
Голема поддршка имаше кај соиграчот Џамал Мареј, кој имаше 20 поени, додека најдобри играчи за Торонто беа Скот Барнс со дабл-дабл од 30 поени и 10 скока и Камерунецот Паскал Сјакам со 18 поени.
Инаку, Денвер тргна агресивно од почетокот на натпреварот, а предноста постојано ја зголемуваше до паузата (61:44). Во вториот дел Торонто беше подобар тим, но не можеше да го загрози триумфот на гостите.
Денвер е на третото место во Западната конференција на НБА со 19 победи и 10 порази, додека Торонто е на 12. позиција на Истокот со скор 11-16.
Резултати:
Кливленд Кавалирс - Јута Џез 124:116
Индијана Пејсерс - Шарлот Хорнетс 144:113
Орландо Меџик - Мајами Хит 106:115
Филаделфија 76ерс - Минесота Тимбервулвс 127:113
Бруклин Нетс - Њујорк Никс 102:121
Торонто Репторс - Денвер Нагетс 104:113
Чикаго Булс - Лос Анџелес Лејкерс 124:108
Хјустон Рокитс - Атланта Хокс 127:134
Далас Маверикс - Лос Анџелес Клиперс 111:120
Сакраменто Кингс - Бостон Селтикс 119:144
Табела:
