Со оглед на досегашната стратегија на Daimler, треба да очекуваме дека новата Mercedes С Класа ќе доживее AMG третман.
Вистина е дека моделот S65 со V12 мотор е дел од минатото по последниот Final Edition модел, базиран на генерацијата W222, но S65 ќе биде дел од новата генерација, а ќе му се приклучи уште посилниот модел со ознака S73.
И двата модела ќе ја носат ознаката „е“ која е ознака за електрификација.
Се верува дека моделите S63e и S73e имаат хибриден погон, а X-Tomi Desing го направи рендерот за „послабиот“ модел кој има вертикална решетка за ладилникот со агресивен изглед во мат црна боја. Автомобилот е замислен и со агресивен преден браник.
Ова се вообичаените промени кои се очекуваат кога С Класата ќе го помине AMG треманот, а меѓу нив е и поголемиот сет на фелни од легура. X-Tomi Design не направи рендер за задниот дел на автомобилот, но наскоро ќе видиме кои промени се направени.
Првиот S63e ќе го придвижува 4,0-литарски V8 мотор во комбинација со електричен мотор. Моделот ќе развива скоро 700 коњски сили, а посилната верзија со ознака S73e ќе развива повеќе од 800 коњски сили. Се очекува дека и двата модела ќе имаат батерија од 20 kWh.
