Ако сте љубители на пилешко месо, за вас одвоивме неколку совети за совршено зготвено пиле.
На интернет може да најдете илјадници рецепти и совети како да испечете совршено пиле. Од прелив и сос до идеална температура, печењето на пилешко месо не е научна фантастика. Сепак, може да испадне суво, а не сочно како што сакате.
Со помош на овие совети може да го изненадите семејството со вкусно и сочно месо. Истите совети може да ги примените и за мисиркино месо, пишува Eat This.
1. Ако печете пиле, преполовете го за секоја половина да се испече еднакво. Без разлика дали го подготвувате на скара, во рерна или во тава, на овој начин може да се осигурате дека полесно и порамномерно ќе се испече.
2. Одвојте ги деловите од пилето, зависно од тоа на кој дел колку му треба за печење. Така можеби нема да може да ги изненадите семејството или гостите со комплетно печено пиле, но бидете сигурни дека месото ќе биде вкусно и печено.
3. Извадете го пилето од печката малку пред предвиденото време за печење. Штотуку изваденото пиле и понатаму ќе врие па всушност ќе продолжи да се пече и откако ќе го извадите од рерна.
4. Без разлика дали ќе го извадите од рерна пред или по печење, во секој случај одвојте триесетина минути да постои пред да го послужите. Експертите советуваат да избегнувате покривање со алуминиумска фолија бидејќи така ќе ја омекнете кожичката и тоа всушност дополнително ќе го свари месото.
