Кејт Џоунс од Австралија веќе 3 години живее во Париз во стан од 9 метри квадратни. Поради мерките за забрана за движење поради ширењето на коронавирусот поминува повеќе време во станот од порано.
Во собата има сè – кујна, работна маса, кревет.
„Сега повеќе од сè на светот сакам да имам куќа со градина и двор. Да излезам надвор и да уживам газејќи по тревата, и да уживам во синото небо“, вели Џоунс за Reuters.
За да собата не изгледа како еден вид на кафез, Кејт направила план како да го уреди станот. Едниот дел од просторот е ограден и е наменет само за одмор, за работа и читање книги.
Таа засадила нане и авокадо во станот. Вели дека ова ја смирува.
Кејт изјави дека ужива во животот во Париз и едвај чека да се врати животот во нормала.
Погледнете го видеото.