Со податоци од сателити, дронови и сензори во Шангај, технолошка компанија од Пекинг креираше виртуелен клон на најголемиот кинески град.
Дигиталната реплика е посовршена од оригиналот и наскоро би можела со неверојатна прецизност да симулира настани од иднината.
Соочени со бројни предизвици како климатските промени, пандемијата, зголемувањето на бројот на жители, градовите сè повеќе се вртат кон дигиталната технологија за решавање на проблемите.
Програмери од компанијата 51 World од Пекинг со помош на Unreal Engine креираа комплетен виртуелен модел на Шангај, создавајќи дигитален близнак или прецизен виртуелен приказ на најголемиот кинески град.
Нивната намера е вирутелниот приказ на градот континуирано да се ажурира во реално време додека собира податоци од географскиот информативен систем, сателитите, дроновите и другите извори.
Целата симулација на Шангај е поделена на сегменти од два метри квадратни, објектите на кои им се приближувате се појавуваат подетално прикажувајќи рефлексии на околината, сенки на површината како и реални ефекти на сенчење во склад со временските прилики.
Отприлика како да играте Fortnite, кој исто така е вграден во Unreal Engine.
