Денеска низ Англија се играат куп натпревари на популарниот Боксинг деј, но ретко кој знае зошто токму така се нарекува овој ден.
Боксинг деј е веројатно најпопуларното коло во Премиер лигата, освен можеби последното кога се одлучува титулата. Ако за Англчичаните овој термин е нешто сосем нормално, нам во Македонија Боксинг деј нѐ асоцира чисто на премиерлигашки фудбал. А, тоа е далеку од вистинското значење на Боксинг деј.
Боксинг деј е празник што се се прославува на првиот ден по католички Божик, 26 декември, и спаѓа во периодот од годината наречен Christmastide, односно Божикен период.
Овој ден настанал како ден за давање подароци на сиромашните. Со годините, се претворил како дел од божикните празнувања, но и големи попусти за шопинг.
Давањето пари и други подароци на сиромашните во Европа датира од средниот век, но точното потекло е непознато. Постојат неколку теории зошто се вика токму Боксинг деј (Boxing Day), но за ниту една нема сигурна потврда. Најраспространето е верувањето дека името произлегува од кутиите за монети кои биле поставувани во црквите и во кои луѓето донирале средства за сиромашните. Кутија на англиски е box (бокс), па оттаму и Боксинг деј.
А, пак, ваквата традиција на собирање средства датира од ранохристијанскиот/римски период кога во кутии во црквите се собирале пари на денот на Св. Стефан, кој според грегоријанскиот календар се слави на 26 декември, еден ден по Божик.
13:30
Њукасл - Нотингем Форест (Arena Premium 1)
16:00
Борнмут - Фулам (Arena Premium 1)
Шефилд Јунајтед - Лутон Таун (Arena Premium 2)
18:30
Барнли - Ливерпул (Arena Premium 1)
21:00
Манчестер Јунајтед - Астон Вила (Arena Premium 1)
13:30
Престон Норт Енд - Лидс Јунајтед (Arena 1)
16:00
Ротерам Јунајтед - Мидлсброу (Arena Premium 3)
18:15
Бирмингам Сити - Стоук Сити (Arena 1)
20:45
Ипсвич Таун - Лестер Сити (Arena Premium 3)
