Дали вашата коса брзо се масти, еден или два дена по миењето? Ако е така, веројатно премногу често ја миете косата.
Одговорот на вашиот проблем се крие во едноставен трик, а тоа е во текот на капењето по двапати да ставите шампон, па да исплакнете.
Повторувањето е клучно бидејќи миењето на косата двапати може да биде корисно за оние на кои косата брзо им се масти. Иако секој тип коса има различни потреби и оваа техника не е за секого, има значителни придобивки од овој начин на миење на косата, пишува LifeSavvy.
Според фризерот Сал Салседо, двојното шампонирање може да спречи вашата коса брзо да се замасти.
„Двојното шампонирање на косата е корисно бидејќи овозможува правилно чистење и овозможува подолго време да бидете со чист скалп, но и да го избегнете проблемот со мрсна коса“, вели Салседо. „Тоа исто така спречува пречесто да ја миете косата, грешка што ја прават повеќето жени“.
Тоа е така затоа што првото миење со шампoн ги разградува маснотиите во косата, а при втoрата употреба на шампон косата се мие целосно и темелно. Затоа, наместо да ја миете косата секој ден, измијте ја двапати додека се капете за да издржи подолго додека повторно не ја измиете.
За оние со екстремно сува коса или коса што не се масти доволно е едно нанесување на шампон.