Пандемијата на коронавирус го смени начинот на кој се извршуваат многу работни места. Марк Закерберг зборуваше за големата улога на технологијата и за тоа како предвидува работите да се одвиваат во иднина.
Шефот на Facebook преку апликацијата Clubhouse го сподели својот став за виртуелната (VR) и проширената реалност (AR), односно начинот на кој тие можат да ни помогнат да го смениме местото од кое се обавува работата.
Секако, тој посочи дека виртуелната реалност првенствено им овозможува на луѓето да бидат „на две места“ истовремено - и во физичкиот простор каде што се и во виртуелниот. Видеосостаноците се разликуваат од ова по тоа што, кога користите VR, ќе ја видите околината како да сте навистина на тоа место.
„Треба да се телепортираме, а не да се транспортираме“, кратко објасни Закерберг.
Како што вели тој, не само што би се заштедило време, туку и дополнително ќе се заштити животната средина, бидејќи ќе се намали користењето на транспорт, а со тоа и количината на штетни гасови испуштени во атмосферата.
Во едно од претходните интервјуа, тој исто така рече дека во следните 5-10 години, околу половина од вработените во неговата компанија ќе ги посетуваат канцелариите само виртуелно.
Најголемата пречка за овој начин на работа, во моментот, е тоа што VR бара големи очила или кациги кои првенствено не се доволно удобни за да се користат на дневна основа. Откако ќе бидат слични на обичните очила, предвидува Закерберг, повеќе луѓе ќе ги користат.
