Португалскиот фудбалер Кристијано Роналдо е познат како некој кој посветува големо внимание на здравиот живот и тренинзите во текот на неговата славна кариера.
И покрај тоа што наполни 39 години, Роналдо сè уште изгледа импресивно, што не е чудно бидејќи тренира сериозно секој ден.
Се чини дека по истите стапки тргна и неговиот потомок Кристијано Роналдо Јуниор, судејќи по фотографиите кои денес Португалецот ги сподели со своите фанови.
Јуниор на нив изгледа во одлична форма и јасно е дека ниту тој не пропушта тренинзи, исто како и неговиот татко.
„Денеска со мојот партнер“, напиша Роналдо во описот на фотографијата која доби огромна поддршка од фановите.
Да потсетиме, Роналдо вчера настапи на натпревар од азиската Лига на шампиони за Ал Наср, а беше стрелец на еден од двата гола кои ги постигна тимот на Ал Феих.
За три дена Ал Наср ќе одигра нов натпревар, овојпат во саудиската Премиер лига против Ал Шабаб, па нема многу време за одмор на Роналдо.
