Полицијата во Лос Анџелес запленила лажна возачка дозвола на која имало фотографија од Родриго Дутерте, претседателот на Филипини.
Во средата, ЛАПД објави дека сообраќајната полиција конфискувала лажна возачка дозвола и притоа ги пофали своите службеници Лопес и Лабрада дека добро стојат со познавањето на светските лидери.
Иако полицијата цензурираше дел од информациите на објавената слика од возачката, од неа сепак може да се види дека се работи за лицето Норман Д. со тежина од 82 килограма, очигледно многу повеќе од 75-годишниот филипински претседател кој со своите метар и 68 сантиметри не тежи толку.
Полицијата не објави дали возачот е етнички Филипинец или има било какво филипинско потекло. Веројатноста за тоа е сепак голема бидејќи случката е од Фипипино Таун делот на Лос Анџелес.
Многумина твитерџии ги пофалија полицајците за препознавањето на сликата од филипинскиот лидер.
Филипинците се трета по бројност азиска популација во САД со околу 4 милиони според податоци од 2018 година.