Данскиот фудбалер Кристијан Ериксен се врати во националниот тим осум месеци по срцевиот удар и веднаш постигна гол во поразот од Холандија (2:4).
Ериксен пред осум месеци доживеа тежок срцев удар на дуелот против Финска на Европското првенство, но не сакаше да ја заврши кариерата, па зимава се врати на англискиот фудбал.
Почна да игра одлично за Брентфорд и се врати во репрезентацијата. Две минути му беа доволни да постигне гол синоќа.
Ериксен влезе во игра на полувремето од мечот против Холандија со водство на домаќините во Амстердам со резултат 3:1. Само две минути подоцна постигна гол.
Покрај аплаузите пред да влезе во игра, домашните навивачи во Амстердам аплаудираа и со овации го поздравија потегот на Ериксен кој го означи неговото враќање во репрезентацијата, гол за 3:2.
Секако, Ериксен ужива почит од навивачите во Амстердам бидејќи на овој стадион пружи фантастични игри во дресот на Ајакс.