Фудбалската федерација на Камерун (ФЦФ) денеска суспендираше 62 играча поради лажирање на нивната возраст, објавено е на официјалната веб-страница.
ФЦФ објави дека меѓу суспендираните е и Вилфрид Натан Дуала, член на Викторија Јунајтед, кој беше дел од репрезентацијата на Камерун на Африканскиот куп на нации кој заврши минатиот месец.
Дуала тврди дека има 17 години, но постои основано сомневање дека ја лажирал воизраста, како и другите суспендирани фудбалери.
Како што е најавено, сите 62 играча се членови на камерунски клубови и нема да имаат право на настап во плеј-офот од домашното првенство, но не е прецизирано дали потоа ќе можат да играат.
Клубот Јонг Спортс Академи има најмногу играчи со лажни години, дури 13, додека Викторија Јунајтед и АС Фортуна имаат по 7.