Кање Вест со митинг во Чарлстон официјално ја почна неговата кампања за претседателските избори во САД.
Четириесет и тригодишниот рапер на митингот се појави во полициски заштитен елек, а на публиката ѝ се обраќаше без микрофон. Многумина се прашуваат дали оваа кандидатура е само реклама за неговата музичка кариера, а овој митинг во Чарлстон не ја разјасни таа дилема.
Вест се кандидира за претседател како член на партија чиј самиот е основач, а во текот на митингот во Јужна Каролина зборуваше за одредени теми како абортус и слично. Тој заплака кажувајќи дека лоши одлуки многу лесно се носат, такви одлуки можеле да доведат и тој да биде абортиран, но самиот вели дека абортусот треба да биде легален.
Кандидатурата ја најави на 4 јули, а веќе го пропушти рокот да се пријави за гласачкото ливче во неколку држави. Останува неизвесно дали неговото име воопшто ќе се појави на гласачките листови, со оглед на тоа што треба да собере доволен број гласови.
