За Фабио Капело главниот виновник за елиминацијата на Јувентус од Лигата на шампионите е Артур, за кого не жалеше зборови да го критикува.
Легендарниот стратег Фабио Капело и во најавата за натпреварот имаше негативно мислење за Артур.
„Јуве се подобрени, сега се побрзи во додавањата, а и Артур заигра подобро, иако никогаш не сум го сакал. Што и да правата, само да не барата од Артур да дава долг пас. Тој изгледа како да игра рагби, иако тоа добро го прави“, рече Капело пред натпреварот.
Но, откако синоќа Јувентус доживеа дебакл со 0:3 од Виљареал, Капело повторно удри по Артур.
„Многу сум разочаран од она што го видов. Од Алегри не може да се очекуваат чуда кога во средниот ред нема класа играчи. Во мое време играа со Маркизио, Видал и Пирло, а сега го имаат Артур. Па тој не даде ниту едно додавање за да го изненади противникот. Артур едноставно не може да направи разлика“, рече тој.
Артур Енрики Рамус џи Оливера Мелу е 25-годишен репрезентативец на Бразил кој игра во средниот ред. Во Јуве е од летото 2020 година кога дојде од редовите на Барселона каде настапуваше две сезони, а претходно во татковината ги бранеше боите на Гремиу.
