Еден од најголемите фактори на ризик за срцеви заболувања е таложењето на наслаги во артериите.
Иако е општо познато дека храната богата со хранливи материи е добра за здравјето на срцето, а ултраобработената храна не е, постои една исхрана што многумина ја следат, а која всушност може да прави повеќе штета отколку корист.
„Во последно време, многу луѓе ја форсираат кето диетата богата со масти и ниска содржина на јаглехидрати. Тоа е една од најлошите диети кога станува збор за создавање наслаги“, објаснува кардиологот Али Хајдер.
Според докторката, иако кето диетата може да им помогне на некои луѓе да го ослободат вишокот килограми, тоа не е добар план за исхрана за здравјето на срцето. Исхраната богата со заситени масти е поврзана со зголемување на LDL холестеролот, што може да доведе до таложење на наслаги во артериите.
Д-р Хајдер ја препорачува докажаната медитеранска исхрана. Овој план на исхрана е научно докажан дека има корист за здравјето на срцето, а д-р Хајдер истакнува дека, за разлика од кето диетата, таа содржи малку заситени масти.
„Редовно проверувајте го крвниот притисок, шеќерот во крвта и нивото на холестерол и разговарајте со вашиот лекар. Водете здрав начин на живот - не пушете, јадете храна богата со хранливи материи и редовно вежбајте. И конечно, задолжително посетете кардиолог ако имате семејна историја на срцеви заболувања“, советува докторот.
Со овие три правила, ќе направите многу за да го спречите создавањето наслаги во вашите артерии и да го одржите вашето срце здраво.
