Неговата љубов не е едноставна, но сите сме свесни дека најдобрите работи во животот се комплицирани.
Немојте да се вљубите во Рак, и покрај што има златно срце тој околу себе има кренато ѕидови. Мора да се потрудите доколку сакате да му се приближите. Ќе ве оттурне од себе со надеж дека вие уште повеќе ќе се потрудите.
Немојте да се вљубите во Рак бидејќи ќе запамети сѐ што ќе му кажете дури и ако тоа го кажете со шепот. Тој слуша повеќе од тоа што го зборувате, ќе запамети работи на кои вие нема ниту да се сетите и ќе ве познава подобро од кој било. И вие ќе имате чувство како да го знаете целиот ваш живот.
Немојте да се вљубите во Рак бидејќи премногу се грижи за сѐ, за вашите чувства и неговите. Премногу ќе се извинува и вие веројатно ќе се прашувате зошто тоа го прави. Но, тој само сака вие да бидете среќни.
Немојте да се вљубите во Рак бидејќи тој е многу чувствителен и емотивен. Ќе ве научи да гледате поинаку на ситуациите. Ќе ве научи да бидете повнимателни. Ќе ве научи како повнимателно да ги набљудувате луѓето.
Ќе видите како се менувате бидејќи одеднаш ќе почнете не само да се грижите за себе, туку и за сите околу вас и за влијанието на вашите дела и зборови.
Немојте да се вљубите во Рак, бидејќи колку што е добар, толку е и несигурен поради тоа. Не функционира во големи групи, но ако некој го повлече на страна и разговара насамо со него, ќе се разведри и ќе стане личноста која ја сакате.
Немојте да се вљубите во Рак бидејќи тој секогаш си го следи срцето, дури и кога станува збор за нелогичен избор. Навистина е тврдоглав кога е во прашање тоа што го сака. Тоа може да важи и за вас.