Реал Мадрид и Еспањол договорија позајмица на искусниот напаѓач Хоселу, кој ќе игра во Реал до крајот на наредната сезона со опција за купување, потврди кралскиот клуб на официјалната страница.
33-годишниот напаѓач минатата сезона беше трет стрелец во Ла Лига со 16 постигнати погодоци, само два помалку од Бензема, а според најавата на шпанските медиуми би требало да биде замена за одличниот Французин кој замина во Ал Итихад и Реал нема да бара друг напаѓач.
Хоселу ѝ се придружи на Академијата на Реал Мадрид на 20 години, а за првиот тим на Реал дебитираше во 2011 година. Потоа, настапуваше за Хофенхајм, Ханофер, Стоук, Депортиво, Њукасл, а во Еспањол дојде во 2022 година.
Во вторник во 11 часот ќе се одржи церемонија на претставување на Хоселу како нов играч на Реал Мадрид.
