Сопственикот на Starlink, Илон Маск, веќе неколку пати ја коментираше ситуацијата во Украина, откако започна руската инвазија.
Сепак, денеска отиде чекор подалеку со тоа што го повика рускиот претседател Владимир Путин на двобој.
Маск на својот Twitter профил напиша дека го „предизвикува“ Владимир Путин на двобој, истакнувајќи дека влогот е Украина.
„Дали се согласувате на оваа борба?“, го праша Маск рускиот претседател.
Маск и претходно давал хумористични коментари на различни теми, меѓутоа, по почетокот на руската инвазија, тој се вклучи во украинската криза со активирање на станиците Starlink, правејќи ги достапни за украинските граѓани.
Набргу потоа тој предупреди дека оние кои користат интернет преку неговите сателити можат да бидат лесна мета за Русите.
Не знаеме колку е сериозен во намерата и на каков дуел мисли, но ваквиот потег на Маск наиде на поделени мислења во јавноста. Едни мислат дека е храбар, други дека е луд. Некои го отпишуваат како „небитен“, а некои сметаат дека ова воопшто не е момент за шеги или „евтин публицитет“.