Кога сме под стрес се активира производството на хормонот кортизол, а еден од несаканите ефекти од долготрајно високо ниво на овој хормон е зголемувањето на телесната тежина.
Одредени намирници може да помогнат при регулација на ослободување на овој хормон, како и при воспаленија во телото. Кортизолот може да ја ослаби активноста на клетките поврзани со имунолошкиот систем. Тоа го намалува производството на антитела и со текот на времето може да го ослаби имуниот одговор на организмот.
Кои намирници може да помогнат во регулацијата при ослободување на овој хормон?
Зелен чај
Студија откри дека состојка во зелениот чај може да инхибира ензими кои ги произведува кортизолот, а тоа може да го намали нивото на хормонот на стрес.
Црвена пиперка, киви, цитруси и јагоди
Сите овие намирници се богати со витамин Ц, кој има голема улога во стабилизација на нивото на кортизол.
Истражувањата открија дека надбубрежните жлезди имаат висока концентрација на витамин Ц, а консумирањето на оваа храна ефективно влијае на надбубрежните жлезди и го балансира нивото на кортизол.
Банани, портокали, дињи,спанаќ, брокула, батат и суви сливи
Вишокот кортизол може да предизвика бубрезите премногу да излачуваат калиум, така што овие извори на храна, богати со калиум, може да го вратат нивото и да ги намалат несаканите ефекти кои доаѓаат со стресот.
