Маж од Хрватска стана хит на социјалните мрежи откако решил да дојде до соседот користејќи го базенот на своите деца како чамец за време на поплавите предизвикани од невремето.
Поплавите кои пред неколку дена ја зафатија Словенија стигнаа и до Хрватска. Една од првите на удар беше Општина Брдовец, која беше поплавена од реката Сава.
Меѓутоа, и во ваква тешка ситуација, локалното население најде начин да се смее и да се забавува. Имено, еден од жителите на ова место решил да весла кај својот сосед во детскиот базен.
Интересното видео е објавено на Facebook групата „Naš Brdovec“, а брзо се прошири на социјалните мрежи и стана видео на денот во овие тешки моменти во Хрватска.
Додека човекот веслал во базенот, од другата страна го чекал соседот во гумени чизми.
Во групата се појавија многу мештани кои напишаа пофални зборови: „Браво комшија“, „Браво Марко“, „Вистински комшија“.