Холивудскиот акционен актер Кијану Ривс се здружи со најпродаваниот графички романописец на New York Times, Мет Кинт за да пишува стрипови. Станува збор за 12 изданија на „BRZRKR“, стрип во кој станува збор за насилен полубог кој скита по земјата, барајќи одговори за неговото постоење.
„По векови скитање низ светот, Берзеркер можеби конечно ќе пронајде засолниште, работејќи за американската влада во битки премногу насилни и преопасни за кој било друг“, пишува во синопсисот.
Ривс вели дека отсекогаш бил љубител на стрипови.
„Ги сакам стриповите уште од дете, имаа уметничко влијание на мене“, вели актерот.
Првиот број на „BRZRKR“ би требало да биде објавен на 7 октомври. Илустрациите се на Алесандро Вити. Графичкиот романописец Кинт во изјава за BRZRKR вели дека проектот е „потенцијален коктел од тоа што го сакаме: приказна за бесмртен воин обременет со минатото за да на крајот дојде до неочекувано откритие“.
