Huawei примени 5G технологија и во рударската индустрија, со цел да се подобри безбедноста и ефикасноста во рударската индустрија.
На овој начин ќе се дигитализираат голем број на функции што сега се вршат рачно, изјави извршниот директор на Huawei, Рен Џенгфеи.
„Во моментов сме фокусирани на користење на нашата технологија за да ѝ помогнеме на рударската индустрија да го намали бројот на вработени во секоја смена за 10 до 20 проценти, пред сѐ оние кои се спуштаат во рударските јами, со цел да ја направат нивната работа поефикасна и побезбедна“, рече тој.
Тој забележува дека повеќето ИТ компании не гледаат на рударството како поле за примена на 5G технологија, иако областа има голем потенцијал, велат од Huawei.
„Кина има околу 5.300 рудници за јаглен и 2.700 рудници за руда. Ако успееме да опслужиме повеќе од 8.000 рудници, би можеле да го прошириме нашиот бизнис и во рудници надвор од Кина. Намалувањето на бројот на вработени во оваа индустрија може да биде од голема важност за рудниците лоцирани во Арктичките региони во Канада и Русија“, рече Џенгфеи.