По САД и поранешниот СССР, Кина е третата земја која откри нов минерал на Месечината, а интересно откритие е дека тој минерал содржи изотоп кој могумина го сметаат за гориво на иднината.
Проучувајќи ги честичките собрани на Месечината, со помош на рендгенски зраци истражувачите од Институтот за геологија во Пекинг пронашле лунарен базалт. Државните медиуми јавија дека научниците одлучиле да го наречат Чангесит-(Y) во чест на кинеската божица на Месечината и додаваат дека Комисијата за нови минерали, номенклатура и класификација потврдила дека се работи за нов минерал. Тоа се случи уште на почетокот од септември и веќе пишувавме за ова откритие.
За време на мисијата Chang'e 5 (嫦娥五号) која слета на Месечината во октомври 2020 година, прв пат после половина век беа собрани примероци од месечевата прашина. Научниците објавија дека во таа прилика биле собрани вкупно 1,73 килограми примероци од површината, по што на Земјата биле извршени испитувања на истите кои довеле до низа откритија - меѓу кои се и исклучително ситни кристали од минерал.
Според испитувањата, кинеските експерти тврдат дека минералот содржи хелиум-3 (3He), изотоп кој се смета за идеално гориво за реактори за фузија бидејќи е многу стабилен. Поради тоа и не е чудно што ова откритие привлече внимание од пошироката научна заедница, пред сѐ од геолозите кои веруваат дека овој изотоп може да ја промени нашата иднина. Тие објаснуваат дека за неговото присуство на Месечината се знаело уште од програмата Apollo на САД, по што било утврдено дека за време на фузијата не се создаваат радиоактивни неутрони за разлика од трициумот и деутериумот.
Според тоа, ова откритие во однина би можело Месечината да ја претвори во нов Персиски Залив, каде државите со вселенски програми би се бореле за превласт над ресурсите. Предвидувањата се дека масовната фузија на енергија од корен би го променила светот каков што денес го знаеме, но и дека научниците и натаму ќе се обидуваат да го решат проблемот околу постигнувањето на контролирана фузија на хелиум-3.
