Додека западните производители се борат да ја доведат цената на електричните автомобили до 20.000 евра, во Кина е претставен електричен модел кој ќе чини половина од тоа.
Името на моделот е BYD Seagull, a за сега не е познато дали ќе се продава и надвор од домашниот пазар. Станува збор за градски автомобил со 5 врати и место за четири патници, кој го движи електричен мотор со моќност од 75 КС и 135 Nm, има забрзување од 0 до 100 км/ч за само 4,9 секунди. Батеријата е со капацитет од 30 kWh и овозможува досег од 305 километри со едно полнење. За полнење од 30 до 80% на батеријата се потребни само 30 минути.
Стандардната опрема вклучува додатоци како камери, сензори за паркирање и темпомат, а достапни се и верзии со побогата опрема со доплата. Автомобилот има гаранција од 6 години или 150.000 километри.
Со цена од 10.400 евра за основната верзија или 12.700 евра за топ верзијата, јасно е дека западните производители ќе имаат многу грижи.
BYD е веќе присутен на европскиот пазар со два модели, Dolphin и Seal.
