Кина стана втора земја што испрати возило на Марс, а нејзиниот ровер Zhurong успешно се спушти по рампата на својата капсула за слетување и се движеше по површината на Црвената планета.
Zhurong слета на Марс на почетокот на овој месец на локацијата наречена Утопија Планитија, мазна рамнина каде што исто така слета Viking на НАСА во 1976 година. Оваа локација е оддалечена скоро 2.000 километри од кратерот Језеро, каде во февруари слета американскиот ровер Perseverance.
Третиот ровер - Curiosity - кој исто така припаѓа на НАСА, слета на Марс во 2012 година и го „фати“ Mars Reconnaissance Orbiter на НАСА додека ја испитуваше Монт Мерку минатиот месец.
Zhurong е именуван по кинескиот бог на огнот и е опремен со различна технологија што ќе му овозможи да ги проучува почвата и атмосферата на Марс и да бара знаци на вода и лед под површината на планетата за време на мисијата што ќе трае 90 дена.
Европската вселенска агенција ЕСА и руски Роскосмос планираат заедно да спуштат ровер на Марс во 2022 година.
