Кинески научници развија нов тест за коронавирус, прецизен како ПЦР лабораториски тест, но дава резултати во рок од 4 минути.
ПЦР тестовите се сметаат за најточни и најчувствителни на вирусот SARS-CoV-2 кој предизвикува COVID-19, но за да се добите резултатот, потребни се неколку часа.
Некои земји доживеа сериозни заостанувања поради големата побарувачка за тестирање, поттикнати од експлозивното ширење на високо заразната омикрон варијанта.
Истражувачи од Универзитетот Фудан во Шангај велат дека имаат решение за проблемот.
Во рецензирана статија објавена во Nature Biomedical Engineering, тимот изјави дека нивниот сензор кој користи микроелектроника за анализа на генетски материјал од брисеви, може да ја намали потребата за долготрајни лабораториски тестови на коронавирус.
„Вградивме електромеханички биосензор за детекција на SARS-CoV-2 во интегриран и преносен прототип на уредот и покажавме дека го детектира вирусот за помалку од 4 минути“, наведе научниот тим.
Истражувачите велат дека нивниот метод нуди брзина, едноставност во работата, висока чувствителност и мобилност.
Нивното испитување вклучило примероци од 33 лица во Шангај заразени со корона, по што паралелно правеле и ПЦР тестови. Резултатите совршено се вклопиле со оние од ПЦР тестовите.
Нивната студија вклучила и тестирање на новата метода на 54 примероци кои вклучиле луѓе со температура кои немале коронавирус, луѓе болни од грип и здрави лица. Тие случаи не дале лажно позитивни резултати.
Истражувачите велат дека нивниот уред може да се користи за брзо тестирање во различни ситуации вклучително и на аеродроми, здравствени установи, па дури и дома.
