Федерико Кјеза е добитник на наградата Палоне Аѕуро за најдобар играч за изминавата 2021 година.
Откако Италијанската фудбалска федерација (ФИГЦ) објави список со петмина номинирани фудбалери, навивачите приложија над 8 илјади гласови преку официјалната веб-страница од 14 до 30 декември.
Победник е офанзивното крило на Јувентус, Федерико Кјеза, кој собра 46% од пристигнатите гласови, оставајќи ги зад себе Николо Барела од Интер со 20% гласови и Леонардо Спинацола од Рома со 14%.
Кјеза беше еден од клучните играчи на Италија на ЕУРО 2020 каде со 2 гола допринесе кон освојување на пехарот (против Австрија во осминафиналето и против Шпанија во полуфиналето).
Останатите двајца номинирани беа Џанлуиџи Донарума и Лоренцо Инсиње.
