Челниците на Ливерпул одржале состанок, а главна тема била иднината на Јирген Клоп, пишуваат англиските медиуми.
Ливерпул игра лошо сезонава, испадна од ФА и Лига купот, во Премиер лигата одамна се збогуваше со титулата, а сега е извесно дека ќе испадне и од Лигата на шампионите.
Елитното натпреварување беше последната надеж на „црвените“ да ја спасат сезоната, но тие доживеаја дебакл на „Енфилд“ во вторникот, губејќи со 5:2 од Реал Мадрид, откако поведоа со 2:0.
Германскиот стручњак е посочен како главен виновник за оваа ситуација, а еден од изворите од клубот откри дека челниците на Ливерпул сметаат дека е неопходно да се замени Клоп за да се внесе нова енергија во тимот.
Во овој момент се чини дека претстои разделба, а прашање е само дали Клоп ќе добие отказ или сам ќе си поднесе оставка.
Како можен наследник се споменува сонародникот на Клоп, Јулијан Нагелсман, стратегот на Баерн Минхен.
Клоп му се приклучи на Ливерпул во 2015 година кога го наследи Брендан Роџерс.
На „црвените“ им ја донесе првата титула во Премиер лигата по 30 години, како и по една во Лига на шампиони, Светско клупско првенство, Суперкуп на УЕФА, Комјунити Шилд, Лига куп и ФА куп.