Кристијано Роналдо не успеа да ја продолжи својата импресивна серија од седум гола во последните четири натпревари, откако синоќа неговиот Ал Наср остана на реми без голови со Ал Феих.
Португалската суперѕвезда имаше неколку одлични шанси на синоќешниот меч, но Владимир Стојковиќ ги одбрани сите негови обиди.
Српскиот голман неколку пати брилијантно интервенираше и на тој начин го спаси својот тим со што Ал Наср направи голем кикс во борбата за титулата.
Ал Итихад победи на гостувањето кај Ал Веде со резултат 2:0 и со тоа ја зголеми предноста на три бода.
На крајот, Роналдо беше видно изнервиран од резултатот, а сето тоа кулминираше со непријатна дискусија со дел од соиграчите, по што бесно ја симна капитенската лента.
„Не сакаш да играш, а?“, наводно му рекол Португалецот на еден од играчите на противничкиот тим, по што се упатил кон соблекувалната.
Легендарниот фудбалер од доаѓањето во Саудиска Арабија има постигнато 11 гола на 12 одиграни натпревари. На тој учинок додаде две асистенции.
Ова не е прв случај Роналдо нервозно да реагира кога неговиот тим губи или тој не успева да постигне гол.