Нова студија на истражувачите од Харвард сугерира дека можеби е подобро да се вечера порано во текот на денот. Истражувањето, објавено во Cell Metabolism, покажа дека времето од денот кога вечераме влијае на нашиот глад и апетит, нивото на енергија и начинот на кој телото складира масти.
„Во нашето истражување се запрашавме дали времето во кое јадеме е важно кога се храниме здраво“, вели Нина Вујовиќ, истражувач во болницата од одделот за спиење и деноноќни нарушувања и автор на студијата.
Истражувачите побарале од 16 доброволци со прекумерна тежина да јадат исти оброци во два различни распореди. На пример, едната група јадела во 9 часот, 13 часот и 17 часот, а другата во 13 часот, 17 часот и 21 часот.
Учесниците ги забележале нивните нивоа на глад и апетит, додека истражувачите им земале примероци од крв, ја мереле нивната телесна температура и потрошувачката на енергија. Покрај тоа, тие направија биопсија на масното ткиво за да споредат како различните обрасци на исхрана влијаат на начинот на кој телото складира масти.
Јадењето доцна го зголемува гладот и побавно согорува калории
„Сакавме да ги тестираме механизмите кои би можеле да објаснат зошто доцното јадење го зголемува ризикот од дебелеење. Претходните истражувања покажаа дека доцната вечера е поврзана со зголемен ризик од дебелина, зголемени телесни масти и помал успех во слабеењето. Нè интересира зошто“, додаде Френк Шеер, кој исто така работеше на студијата.
Резултатите покажаа дека јадењето доцна го зголемува гладот, ја намалува потрошувачката на енергија, побавно согорува калории и ја менува експресијата на гените на масното ткиво, што го промовира растот на маснотиите, што покажува дека сите овие промени заедно може да го зголемат ризикот од дебелина. Јадењето подоцна исто така ја удвои веројатноста за зголемен глад и создаде пониски нивоа на хормонот лептин, хормон кој се произведува кога сме сити.
„Откривме дека јадењето само четири часа подоцна прави значителна разлика во нивото на глад, начинот на кој согоруваме калории после јадење и начинот на складирање маснотии“, објасни Вујовиќ. Таа тврди дека овие резултати се во согласност со многу други студии, но ова исто така покажува како и зошто подоцна јадењето може да го зголеми ризикот од дебелина.
Сè повеќе луѓе вечераат порано
Истражувачите се надеваат дека на крајот ќе ја прошират студијата за да ги земат предвид другите варијабли кои би можеле да бидат присутни кога тие не се во контролирана средина.
Сè поголем број луѓе одлучуваат да вечераат порано, што, според резултатите од оваа студија, е добра одлука. За многумина вечерата во 17 часот е начин да се одбележи крајот на работниот ден, а очигледно има големи придобивки и за линијата.
