Родителите често не размислуваат за фактот дека нивните деца ќе се сеќаваат на ситуации кои ним не им изгледаат премногу важни. Психолозите открија за што точно се работи.
На прво место е семејната традиција која вклучува заеднички патувања, екскурзии, подготовка за празници и слично. На второ место се заедничките оброци.
Многу родители едноставно немаат време секој ден да бидат на масата во кујната со своите деца, но потрудете се тоа да го практикуваат барем за време на викендите. Психолозите велат дека тоа е доволно за да се создадат убави спомени.
Бројни студии покажаа дека читањето приказни пред спиење е важно за воспоставување блискост меѓу децата и родителите. Децата ќе ги паметат овие заеднички моменти пред спиење до крајот на животот.
Гушкањето и галењето не се само знак на блискост, туку и на заштита и взаемна доверба. Затоа ќе им остане во сеќавање како еден од најубавите делови од нивното детство. Истражувањата утврдиле дека гушкањето е важно за развојот на мозокот на детето. Добро влијае и на нивниот раст.
Резултатите од истражувањето објавено во стручното списание Genetic Psychology Monographs наведуваат дека доенчињата кои биле прегрнувани од нивните родители по 20 минути дневно во текот на 10 недели постигнале подобри резултати во проценката на развојните способности од другите деца.
Важно е секогаш внимателно да слушате што има да каже вашето дете. Ако малиот види дека навистина сте заинтересирани за неговите набљудувања и проблеми, ќе успеете да ја освоите неговата доверба, а никогаш нема да го заборави.
