По второто полуфинале на Евровизија, познати се имињата на сите натпреварувачи кои ќе настапат во финалето на 14 мај во арената PalaOlimpico во Торино.
По полуфиналните вечери, претставници од дваесет земји изборија учество во финалето, а на 14 мај во Торино повторно ќе ги видиме Швајцарија, Ерменија, Исланд, Литванија, Португалија, Норвешка, Грција, Украина, Молдавија и Холандија, Белгија, Чешка, Азербејџан, Полска, Финска, Естонија, Австралија, Шведска, Романија и Србија.
Освен тоа, во финалето ќе настапат претставници на Франција, Германија, Шпанија, Велика Британија, но и претставник на Италија, земјата која минатата година победи на Евровизија. Домаќинот на овогодинешниот натпревар, за најдобра песна во Европа, ќе го претставуваат Махмуд и Бланко со песната „Brividi“.
Ситуацијата во обложувалниците на ден пред Евровизија е променета, но и понатаму ја води украинскиот претставник Калуш Оркестар, на второ место е Велика Британија, а на трето е Шведска. Италијанските претставници Махмуд и Бјанко паднаа на четвртото место, а зад нив е Шпанката Шанел.
На шестото место, според обложувалниците, е оперскиот пејач од Полска, седми се претставниците на Грција. А претставничката која привлече најмногу внимание во нашиот регион, според обложувалниците, е на осмото место е Констракта од Србија.
Најмалку шанси за победа во сабота имаат Романија, Германија и Литванија, а на листата последни се обложувалниците.
Во пресрет на финалната вечер на овогодинешниот Избор за песна на Евровизија, кој ќе се одржи утре, ве прашуваме: Кои се вашите фаворити за победа?
