Мурињо обвини свој играч за предавство, италијанските медиуми го објавија неговото име.
Фудбалерите на Рома гостуваа кај Сасуоло во натпреварот од 14. коло во италијанската Серија А и одиграа 1:1 со домаќинот на натпреварот.
Избраниците на Жозе Мурињо поведоа во 80. минута со голот на Тами Абрахам, а Андреа Пинамонти пет минути подоцна ги постави конечните 1:1. Португалецот на клупата на Рома беше бесен по мечот поради залагањето на еден од неговите играчи.
„Му реков дека мора да најде нов клуб во јануари. Жал ми е што напорите на тимот беа предадени од ставот на непрофесионалец. Не зборував вака за Роџер Ибањес по Лацио бидејќи грешките се составен дел од играта, а неговиот став никогаш не бил проблематичен“, рече Мурињо, па додаде:
„Да се има непрофесионален однос, не е фер кон соиграчите и тоа ме разочарува. Имав 16 играчи на теренот на натпреварот против Сасуоло и ми се допадна ставот на 15 од нив. На овој шеснаесеттиот му реков дека не сакам никогаш повеќе да видам такво нешто. Во јануари мора да најде друг клуб“.
Мурињо не сакаше да го открие името на играчот кој го разочара, но Corriere dello Sport пишува дека тоа е Рик Карсдорп. Холанѓанецот во игра влезе во 65. минута наместо Зеки Челик. Загуби неколку поседи, беше непрецизен во нафрлувањата и лошо играше во одбрана при голот за израмнување.