Барселона следното лето би можела да ја исполни големата желба на Баерн за да го доведе Роберт Левандовски во своите редови за возврат, пишува Mundo Deportivo.
Имено, германскиот клуб со голем интерес ги следи преговорите на тинејџерот Гави за нов договор со Барселона.
Баерн покажа интерес и за Френки де Јонг, кого Барселона би можела да го продаде ова лето.
Гави има уште една година од договорот на Камп Ноу, а Баерн наводно е подготвен да ја активира клаузулата од неговиот договор за заминување од 50 милиони евра. Разговорите за неговото продолжување се одолговлекуваат.
Баерн не е единствениот клуб кој е заинтересиран за него. Во игра се и Ливерпул и Пари Сен Жермен.
Од друга страна, Барселона сака да го доведе Левандовски од Баерн, а во Каталонија сака да дојде и самиот полски напаѓач. За да се случи тоа, на Барселона можеби ѝ треба жртвено јагне.
Идеално, тоа би можело да биде Мемфис Депај или Сергино Дест. Во помалку од идеално тоа би можело да биде Френки или Гави.
