Килјан Мбапе кариерата ќе ја продолжи во Реал Мадрид. Оваа информација нема официјална потврда, но тоа е заклучокот на поголемиот дел од светските медиуми кои ја следат ситуацијата околу напаѓачот кој не сака да го продолжи договорот со Пари Сен Жермен за следната година да може да го напушти клубот како слободен играч и на тој начин да договараат поголема плата во новата средина.
Таа нова средина ќе биде Мадрид, а бонусот за потпис со кој Реал го убеди Мбапе да дојде, заедно со најголемите спортски цели и високите приходи, се вели дека е 160 милиони евра. Поради ова, во Париз се бесни и се убедени дека тоа е главната причина поради која Мбапе одбива да потпише продолжување на договорот.
Мбапе одигра 260 натпревари за ПСЖ со фантастичен учинок од 212 гола и 98 асистенции. Тој е под договор само уште за следната сезона.