На планетава живеат околи шест пати повеќе птици отколку луѓе, покажува истражувањето на австралиските научници.
Вилијам Корнвел од Универзитетот „Нов Јужен Велс“ во Сиднеј, заедно со својот тим истражувачи, спроведе истражување кое ни открива нови податоци за птиците: колку ги има на светов, но и кои се најраспространети.
„На овој свет постои значителен број на птици - 50 милијарди, но за идните истражувања на еволуцијата, екологијата и зачувувањето на природата од голема важност е тоа како тие дошле до сегашното ниво на популација“, велат истражувачите.
На Земјата живеат околу 50 милијарди птици, што значи дека на планетава живеат отприлика шест пати повеќе птици отколку луѓе, покажува истражувањето на австралиските научници.
Истражувањето е направено врз база на податоци од 9.700 познати видови на птици од целиот свет, за кои се смета дека сочинуваат 92% од сите постоечки видови. Податоците кои произлегле од трудот се објавени во научното списание Proceedings of the National Academy.
Истражувачите ги комбинирале научните истражувања од поединечни видови на одредени подрачја, со речиси милијарда податоци објавени во онлајн базата на eBird.
Научниците заклучиле дека постои релативно малку вообичаени и многу ретки видови, пишува Deutsche Welle.
Меѓу десетте најраспространети птици на светот се градското врапче (1,6 милијарди), обичниот сколовранец (1,3 милијарди), прстенестиот галеб (1,2 милијарди) и селската ластовичка (1,1 милијарда).
Исто така, студијата открила дека најмалку застапени видови на птици на светот се кивите од Нов Зеланд (3.000) и мадагарските месити (154.000), односно птиците кои живеат во грмушки.
