Конор Мекгрегор уште еднаш направи хаос на социјалните мрежи. Ирскиот УФЦ борач го искажа личното мислење за вакцините и коронавирусот во контроверзна порака, којашто потоа ја избриша.
Ирецот остро ја обвини Европската Унија за воведување мерки и санкции на присилување луѓето да се вакцинираат.
„Принудувањето на вакцинирање е воено злосторство“, напиша Конор кој дури повика Ирска да ја напушти Европската Унија.
„Мислите дека присилувањето луѓето да стават нешто во своето тело не е злосторство? Луѓето треба да имаат право на избор. Обидот да бидат принудени да се вакцинираат од страна на ЕУ, не можам да се сложам со тоа, но знам дека нашите на власт ќе го прават тоа што ќе им се каже. Време е Ирска да ја напушти ЕУ, принудувањето на вакцинација е воено злосторство“, повтори тој.
Соочен со хаосот што го предизвика, Мекгрегор ги избриша постовите и напиша нов во кој се обиде да го објасни ставот за вакцините:
„Принудувањето некој да вбризга нешто што не сака во своето тело е целосно погрешно. Не сум против вакцините, јас сум против тоа да се нема право на избор. Нека Бог ги благослови оние кои мислат поинаку“.
Не е првпат Мекгрегор да избрише ваква порака. Пред две недели тоа го направи откако напиша дека вакцините не успеаја да го запрат коронавирусот. Истакна дека степенот на вакцинација е висок, но и дека има и многу повеќе случаи на заразени од претходно.
Ова се дел од реакциите на неговите постови: