Поминаа пет месеци откако Конор Мекгрегор заработи скршеница на ногата за време на последниот дел од трилогијата против Дастин Поарје.
А ако нешто е сигурно, тоа е дека славниот Ирец е решен да се одмазди за поразот и да си ја врати старата слава.
Откако беше во гипс со месеци, поранешниот УФЦ шампион неодамна го засили режимот на вежбање за да се врати во најдобра физичка форма.
Откако ја скрши ногата во јули, најавува дека неговата рехабилитација напредува. Тој во моментов е фокусиран на додавање маса, и напорот очигледно вреди. 33-годишниот неодамна објави на Twitter дека има „86 килограми гранит“ и не може да се негира дека е поголем од кога било. За време на борбата со Поарје имаше 70 килограми.
Доколку продолжи со ова темпо, Мекгрегор ќе биде во врвна форма кога ќе се врати во УФЦ октагонот во првата половина на 2022 година. Се шпекулира дека тоа би можело да биде во април бидејќи предизвикот веќе му го испратил чеченскиот борач со шведски пасош, Хамзат Чимаев.
„Напорно работи во моментов. Мислам дека ќе се врати како борач од средна категорија“, рече тренерот на Мекгрегор, Џон Кавано.
