Антонио Конте упати низа комплитенти на сметка на корејската ѕвезда, дотаму што дури рече и дека ќерка му би ја омажил за човек како него.
Италијанскиот стратег има одличен старт на новата сезона во Премиер лигата откако собра 10 од можни 12 бода во првите 4 кола.
Сон Хјон-мин беше стартер на сите 4 натпревари, но корејскиот офанзивец не успеа да постигне ниту еден гол, а запиша само една асистенција и тоа на првиот натпревар. Сепак, Конте има само пофални зборови за неговата игра, но и за неговото однесување.
„Сон е многу разумен играч, навистина многу разумен. Тој е супер, многу добро момче. На пример, да би требало да барам сопруг за мојата ќерка, би барал личност како него“, вели Конте.
„Често тоа е добро, но истовремено, тој е толку разумен што на моменти страда поради тоа што не постигнува голови“, додаде.
Конте со сопругата Елизабета има ќерка Виториа. Во брак се од 2013 година.