Има сè помалку причини за корисниците на Windows 7 да продолжат да го користат застарениот оперативен систем.
Се чини дека на Google му истекува трпението кога станува збор за поддршката за Chrome за Windows 7.
Оние што сè уште го користат овој оперативен систем на своите компјутери ќе ја изгубат поддршката за Chrome на 7 февруари 2023 година. Застарените верзии сè уште ќе работат, но корисниците нема веќе да добиваат бедносни апдејти или нови функции.
И покрај фактот што Microsoft ја прекина поддршката за Windows 7 на почетокот на 2020 година, овој оперативен систем сè уште го користат голем број луѓе ширум светот. Според истражувањето на Statcounter GlobalStats, Windows 7 е на 10,68% од уредите ширум светот, додека Windows 8.1, кој исто така ќе ја изгуби поддршката за Chrome во исто време, е на 2,7% од компјутерите.
Google веќе некое време нè подготвува за овој потег, сакајќи да ја прекине поддршката до јули 2021 година, но веќе двапати го одложува рокот. Сепак, се чини дека 7 февруари сега е „изрезбан во камен“ и исто така е датумот кога другите корисници ќе ја добијат верзијата Chrome 110.
Google во своето соопштение за печатот рече дека овој датум е значаен бидејќи се совпаѓа со датумот на завршување на платената поддршка на Microsoft ESU за Windows 7 и дополнителната поддршка за Windows 8.1.
Технолошкиот гигант ги повикува корисниците на Windows 7 и Windows 8.1 да ги надградат на Windows 10 или Windows 11 пред Chrome да остане без поддршка, со цел безбедно да го користат прелистувачот и да ги добијат најновите функции и закрпи за различни грешки.
И покрај тоа што беше лансиран во 2009 година, многумина сè уште сметаат дека Windows 7 е најдобрата верзија на оперативните системи на Microsoft, и иако сè уште го има на околу 10% од компјутерите, нема сомнение дека крајот на поддршката за Chrome означува уште еден чекор поблиску до неговата смрт.